MESIN TIK TUA IKU... (Jayabaya, Edisi 48, Juli 2013)

09.30 Impian Nopitasari 1 Comments


Wis sak mesthine yen atiku nggrantes, rasane pengen mbrebes mili yen nyawang barang ing ruangan kerja swargi bapak iku. Barang iku wis ngancani  ing selawase gesange bapak. Kaya-kaya aku isih krungu unine saben bengi. Cetak-cetek cetak-cetek. Tansah ngangeni. Ah bapak, aku kangen sliramu.
Tak pandengi mesin tik tua iku. Saiki pancen wis ora dienggo, disimpen ing njero lemari kaca. Isih kerawat apik dening ibu. Sanajan mbiyen ibu asring nesu karo bapak bab mesin ketik iki. Bapak pancen penulis dadi wektu kanggo keluarga prasasat ora ana. Saben dina mung cetak-cetek karo mesin ketike wae. Bab iki ndadekake ibu cemburu, ora among iku. Ibu asring nggresula yen pangasilane bapak ora bisa nyukupi kebutuhan keluarga. Mula ibu melu ngubet golek dhuwit supaya kendhil ora nggoling.
“Durung turu to ngger?,” swara ibu ngageti aku.
“Hemm..dereng bu, dereng ngantuk. Lha ibu kok dereng sare?,” aku bali takon.
“Kangen bapakmu, gak krasa ya, wis sepuluh tahun bapakmu lunga. Ora ninggalke apa-apa, kajaba mesin tik iki,”
“Donga mawon bu supados bapak seneng ing mrika. Bapak mboten ninggalake bandha donya bu, ananging buku-buku ingkang ditinggalake paring manfaat luwih kagem kula. Niku sampun cekap bu,”
“Kowe kena mergawe apa wae, nanging tak jaluk yen isa aja dadi penulis. Mesakke anak bojo-mu. Mlarat diajak-ajak,”
Aku njenggirat krungu ngendikane ibu.
“Istighfar bu. Ampun kados ngoten. Rejeki sampun dijatah dening Gusti Allah. Mboten mesti yen penulis niku mlarat. Lelakone bapak pancen kedah ngoten iku, mboten dupeh panjenenengane penulis,”
“Sakarepmu lah. Sing baku aku ora pengen uripmu susah kaya bapakmu mbiyen Le, ora ana wong tua pengen nyawang anake susah,”
Aku ora mangsuli ngendikane ibu. Aku emoh yen padu terus kaya ngene. Pancen ibu ora salah yen pengen nyawang aku seneng, nanging carane kurang trep. Aku wis gedhe. Aku isa nemtoke dalan uripku dhewe.
***
“Dadi kapan sampeyan arep nglamar aku Mas? Awake dhewe wis suwe runtang-runtung mrana-mrene. Wis akeh sing ngerti yen kita iki nduwe sesambungan. Ora kepenak aku yen ora cepet-cepet diresmike. Bapak Ibu wis bola-bali nakonke bab iki,”
Ningrum. Kenya sing wis rong taun iki ngisi atiku, dina iki praupane nandang sungkawa. Aku bingung kudu ngapa.
“Aku mesti serius karo kowe Rum, tapi bab kapan arep nglamar, aku durung isa mesthekke. Gawanku durung cukup kanggo ngadhep bapak ibumu. Urip bebrayan iku ora cukup amung ngandhalake katresnan. Saiki aku lagi ngupadi nggolek bab liya iku,” suaraku tak tegas-tegaske senajan aku ora tega.
“Wis bola-bali sampeyan ngomong ngono karo aku Mas. Aku wong wedok bisane mung ngenteni. Setahun rong taun ra masalah. Tapi aku ora isa suwe-suwe Mas. Yen sampeyan ora cepet-cepet nglamar aku. Wis bisa dipesthekke yen aku bakal nerima lamaran priya sing dipilihke wong tuaku,” suarane Ningrum semu serak, dheweke nangis.
Aku kaya disamber bledheg, sanajan iki ora udan. Aku wong lanang kaya ora nduwe aji. Ora bisa merjuangke katresnanku.
“Rum, aku tresna kowe Rum, aja kaya ngono sliramu. Entenana, aku bakal ngupadi luwih kanggo nglamar kowe. Percaya-a aku,” sanajan aku ngomong ngono, tapi sejatine aku ragu dhewe karo omonganku.
Ningrum ngeculke genggeman tanganku, sajak ora percaya.
“Mas Hardi, aku tetep puguh karo omonganku, yen sampeyan ora ceepet nglamar aku, aku bakalan nrima lamaran saka priya liya. Aku ora bisa nolak pepinginan bapak ibu Mas. Senajan aku sejatine isih tresna sampeyan,”
Kenya ayu iku ngadoh saka aku. Isih mbrebes mili. Dhuh Gusti kenapa kaya ngene lelakonku.
Aku pancen ora tipe “pria idaman” kanggo umume wanita. Duitku ora akeh. Uripku biasa-biasa wae. Gaweanku wartawan lan penulis sing gajine ora sepira. Iku wae kudu tak dum kanggo ibu lan biaya sekolah adi-adiku. Aku pancen anak mbarep sing kudu tanggung jawab nggenteni bapak sing wis kapundhut dening Gusti. Dadi wajar yen aku ora bisa nyenengke pacarku yen bab materi bandha.
Ibu tekan seprene isih ora seneng karo gaweanku. Pengene ibu ya aku iki dadi PNS. Gaji tetep entuk pensiunan. Tapi aku marisi jiwane bapak sing seneng nulis, kawit cilik aku wis dibiasake karo mesin tik tua-ne iku. Getih penulis wis njalar ing nadiku. Bapak jarang numbaske aku dolanan utawa barang sing mewah, nanging bapak luwih seneng numbaske aku buku-buku.
“Ngelmu iku ora bakal ilang. Bapak ora sugih, amung ngelmu sing bisa tak warisake kanggo awakmu,” ngono ngendikane bapak ing mangsa sugenge.
Bola-bali aku krungu bapak ibu padu perkara dhuwit. Sajake ibu judheg karo pengasilane bapak sing ora sepira nanging kebutuhan urip sansaya mundhak. Aku ora nyalahke ibu, nanging aku uga ora bisa nyalahke bapak. Kabeh iku wis dadi garising pepesthen.
Saiki aku diadhepake karo lelakon anyar. Apa iya aku bakal kelangan Ningrum amarga ora nduwe cukup dhuwit kanggo nglamar dheweke. Ora mungkin aku ngrepotke ibu, wis cukup rekasane nggedhekke aku lan adhi-adhiku, ora bakal tak tambahi maneh.
***
Mripatku wis kari rong watt, tapi gawean lemburku durung rampung. Bengi iki kudu ngrampungke artikel sing dibebanke ning aku amarga selak dipacak sesuk. Kerja underpresser kebak deadline kaya ngene pancen ora kepenak kanggo samubarang wong, nanging iki wis resiko sing kudu tak lakoni, iki pilihanku.
“Hei Har, kok raimu kaya ditekuk ngono, ana masalah to karo Ningrum?,” aloke Hilal, kancaku wartawan langsung nusuk ing ati. Aku amung mesem kecut.
“Ningrum kon age-age ngalamar dheweke. Padahal aku durung siap secara finansial je,” jawabku lemes.
“Mesakke men uripmu Har. Ya piye maneh, saiki tak kira ora ana wanita sing gelem urip susah. Realistis lah. Sabar ya bro, aku mung bisa ngewangi ndonga, wong aku iki ya padha-padha rekasa je,”
“Suwun ya, ora apa-apa kok. Eh sik ya aku tak nyerahke artikel ning Pak Wawan sek,”
Aku mlaku ing ruangan pimred majalah manggonku kerja. Pak Wawan iki priyayine seumurane bapakku, ngganti sakwetara Pimredku sing lagi gerah. Dadi lagi iki aku tepung panjenengane.
Sakwise ndhodhog lawang lan diakon mlebu, aku lungguh lan nyerahke contoh artikel marang pak Wawan. Bapake sajak marem karo tulisanku.
“Hardi Hadiwijaya. Nama anda mengingatkan saya pada teman saya dulu,”
“Oh ya Pak? Pasti teman Bapak orang yang hebat seperti bapak,”
“Ah tidak juga, dia seorang penulis yang ulet dan idealis di jamannya,”
“Bapak saya dulu juga jurnalis. Tapi sekarang sudah meninggal,” aku ketrucut ngomong, malah dadi curhat.
“Saya turut berduka. Siapa nama bapak Anda kalau boleh tahu?,”
“Ruslan Hadiwijaya,”
***
Dina iki Pak Wawan kepingin sowan ing nggone kanca rakete mbiyen. Ora liya ya ning omahku. Dadi genahe ngene, bapakku iku mitrane pak Wawan mbiyen nalika isih padha-padha ngasta dadi wartawan. Donya pancen ora jembar.
Pak Wawan lan Ibu sajak kepenak anggone jagongan. Etung-etung nostalgia.
“Dadi si Hardi iku bocah cilik sing gawene ngrewuhi bapake mbiyen, owalah to mbakyu, kok saiki wis dadi jaka bagus kaya ngono,” aku sing diomongke amung bisa mesem ngguyu.
“Iyo Dik Wawan, ora nyana ya yen bisa kepethuk karo jenengan. Mangka tak kira jenengan iki wis ora aktif dadi wartawan,”
“Mung ngganti pemred sing lagi gerah kok mbakyu. Bubar iki ya ora lungguh maneh ing redaksi iku,”
Pak Wawan ngendikan sinambi nyawang ruangan omahku iki. Pancen panjenengane kawit mbiyen ora pernah ngendikan karma inggil karo bapak ibu. Wis raket banget soale.
“Isih kaya mbiyen ya Mbak ruangane Mas Ruslan iki. Apa mesin ketik Brother kelangenan kangmas kae isih?,”
“Oh taksih Pak. Mangga mlebet ing ruanganipun bapak,” aku mbukak ruang kerjane bapak lan nyumanggaake pak Wawan.
Pak Wawan sajak mlebu ing jaman isih timur mbiyen. Sajak pengen nostalgia karo bapak.
“Mesine isih apik. Upama-a adhiku sing kolektor kae mesti wis pengen dituku. Barang antik kaya ngene nggenah payu larang. Nanging aku ngerti, iki barang kenangan. Mesti ya ora bakal didol ya?,”
“Punapa ngoten pak? Upami dipun sade pajeng pinten?,” aku iseng-iseng takon.
“Yen kanggo adhiku rega ora masalah. Mbok dol seket yuta, satus yuta yen dhek’e wis pengen ya bakal dibayar,”
Aku mlongo. Mesin tik kaya ngono iku apa ya tenan isa payu satus yuta? Dhuwit semono isa nggo nglamar Ningrum. Malah turah.
***
Aku nerima cek satus yuta saka pak Nugroho, adhike pak Wawan. Pranyata bener yen mesin tik iku bisa payu satus yuta. Bubar transaksi, Pak Nugroho pamit saka omahku karo nggowo mesin tik tua warisane bapak. Barang iku saiki wis pindah tangan.
Ibu isih nyawang aku. Mbrebes mili. Sanajan mbiyen ibu ora seneng karo pagaweane bapak, tapi ibu isih tresna karo bapak.
“Mung mesin tik kuwi tinggalane bapak ngger. Saiki wis kok dol. Njur ibu kudu kekancan karo sapa maneh?,”
“Ibu piyambak ingkang ngendikan yen mboten remen kula dados penulis, mengke mlarat. Sakniki sampun kaleksanan ta pepinginanipun jenengan? Arta niki langkung saking cukup kagem nglamar Ningrum lan ongkos kuliah adik-adik,” aku mbela awakku dhewe.
“Yo terserah kowe. Nanging yen bapak ora lila, aja salahke ibumu iki,”
Ah, aku bingung ngrasakke ibuku iki. Serba salah.
“Assalamualaikum,” aku dikagetke wong mertamu ing omahku.
“Waalaikumussalam, wonten perlu punapa nggih Mas?,”
Pawongan iku ngelungke kertas. Layang ulem. Wah sapa sing nikahan ya? aku ngucap maturnuwun lan wong iku pamit.
Tak buka layang ulem iku. Isine nggawe jagadku peteng sanalika.
Menikah: Ningrum Hidayah, S.Kom & Daniar Gunawan, S.T.
Dhuh Gusti, apa aku kuwalat karo bapak amarga kewanen ngedol barang kelangenane.? Ningrum, kenapa kowe ora sabar nunggu aku? Tak rewangi nerak wewaler kok kowe tega ninggal aku. Saiki kabeh wis telat. Aku ora entuk apa-apa.
Bapak, Ibu, ngapurana anakmu iki.
***


1 komentar:

CEWEK BONSAI, Kapacak ing Majalah Panjebar Semangat Edisi 2. 26 Januari 2013

09.28 Impian Nopitasari 0 Comments


Kenya ayu iku kerep katon dhewekan. Praupane tansah nandang sungkawa.
Wis pirang-pirang dina iki aku digawe penasaran karo kenya ayu sing tak temoni saben mulih kuliah. Sakjane ora ketemu adhep-adhepan utawa mak sliwer ing panggonan rame. Ora kaya iku. Yen entuk milih, aku kepengin ketemu dheweke ing swasana sing kepenak lan nyenengake. Upama-a ora sengaja tabrakan, terus aku njupuki barang-barange sing tiba, njaluk ngapura, basa-basi, kenalan, akrab, terus dadian. Ah yen bagian iki tangeh nganggo lamun. Sinetron banget.
Kenya ayu iku praupane pucet lan nandang dhuhkita. Yen tak umpamake kaya kulkas mlaku. Anyep, ora nduwe daya sumringah. Jan-jane apa ta sing kok galih cah ayu? Upama gelem mesem lak ya tambah ayu. Aku gelem ngrungokke apa wae sing pengen kok critake, yen iku bisa ngurangi bebanmu. Ah aku iki sapa kanggomu wae ora jelas.
Aku ngerti dheweke saben aku mulih kuliah. Aku mangkat mulih kuliah pancen ora nganggo kendaraan alias mlaku, dadine aku bisa namatke apa wae ing samping kiwo tengenku. Tapi saka kabeh sing tak tamatke, aku tetep penasaran karo omah tingkat cat putih sing lantai loro-ne akeh wit bonsai. Ya ning kono iku aku kerep mangerteni kenya ayu sing tansah lungguh sajak sedih, aurane suwung banget.
Ing sawijining dina, aku sengaja mandheg ing ngarep omah gedhong iku ben isa suwe nyawang cewek misterius iku. Jebul tenan, saben sore ngeneki dheweke mesti lungguh ing balkon lantai loro karo bonsai-bonsai-ne. kaya-kaya dheweke ora nduwe kanca sakliyane bonsa-bonsai iku. Ora krasa aku wis suwe ngadeg nyawang dheweke. Nganti aku ora sadar yen dheweke gentian nyawang aku. Ah aku dadi salah tingkah, gage-gage aku nerusake laku karo semu isin.
***
“Nik, lagi nglukis apa? Wah nglukis cewek cah, sajake iku cewekmu yo Nik?,” Yudhi, kancaku kost ujug-ujug ngageti, mbuyarke konsentrasi wae.
“Ah, ora kok, gur iseng wae corat-coret Yud, apik ra?,” takokku marang dheweke.
“Ayu, tapi ketok suwung, sajake lagi nandang branta ya?,”
Aku ora nggagas omongane Yudhi sak banjure. Embuh bisikan saka endi, ujug-ujug aku nduwe rencana kenalan karo cewek bonsai iku. Wis suwe ngerti blegere mosok durung ngerti jenenge. Tapi kepriye carane kenalan ya? aku durung nduwe bayangan blas.
Sore iku sidane aku nekat pengen kenalan karo cewek bonsai iku. Untung aku iki cowok, cah lanang, dadi ya ora papa ta yen aku ngajak kenalan disik. Sawetara 15 menitan aku nyawang dheweke, akhire aku wani “ say hello” karo cewek iku. Cewek iku mesem, lah tenan ta, ayune sansaya katon.
“Aku Niko,” bengokku saka ngisor.
“Endah,”
Endah, jenenge nggambarake sing nduwe. Wis cukup kanggo dina iki. Sesuk aku mrene maneh. Endah, entenana tekaku ya.
***
Lukisan iki tak bungkus rapi, lukisan kenya ayu sing nduwe jeneng Endah, si cewek bonsai. Rencanaku arep mampir maneh, menehke lukisane iki. Mesti seneng banget dheweke. Sisan kenalan luwih adoh, sapa ngerti isa ngerti crita bab dheweke nandang sungkawa kerana apa.
Aku wis tekan omahe Endah. Nanging saiba gumunku, wong sing tak goleki ora ana. Biasane jam semene si Endah bakal lungguh-lungguh ngalamun sing balkon kebak bonsai iku. Apa wonge lara? Apa lunga? Tapi sak ngertiku kenya siji iki ora pernah absen lungguh ing balkon iku saben sore.
Daripada penasaran, aku nyoba mertamu. Aku uluk salam lan gedhogi gerbange sing lumayan dhuwur iku. Tapi ora ana sing nyauri. Apa omah iki lagi suwung ya? pikirku.
“Mas, madosi sinten?,” aku kaget, ana wong nakoki aku.
“Hmm.. Endah Pak, kenya ayu ingkang saben dinten lenggah ing balkon nginggil niku,”
Bapake katon bingung. Aku apa maneh. Wong aku iki lagi anyaran ning kene kok.
“Wah Mas, griya niki sampun dangu dikosongke. Mbak Endah niku larene pak Branta ingkang seda bunuh diri, sengaja dhawah saking balkon niku. Saklajengipun sadaya keluarga pak Branta pindah saking mriki amargi mboten kuwat nandang dhuhkita,”
Jagadku peteng saknalika.
***

0 komentar:

Sihir Baru J.K. Rowling

20.28 Impian Nopitasari 0 Comments


The Casual Vacancy, aku tak sengaja melihat postingan novel ini di status temanku. Kenapa rasanya nggak  asing ya? aku lihat-lihat, woalah… ternyata novelnya J.K. Rowling terbaru. Pantesan. Langsung saja aku cari tahu infonya, ternyata aku lumayan telat info. Baru di bulan November aku membeli novel itu. Maklum, lama tak online jadi kuper info. Hehe.
Saat itu aku sedang menyusun skripsi dan merasa tidak mantap dengan novel yang akan kuteliti, entah kenapa setelah melihat postingan temanku itu aku langsung kepikiran untuk menjadikannya objek penelitianku. Segera aku tinggalkan novel yang lama dan langsung berburu The Casual Vacancy.
Pertama kali aku mencari edisi bahasa Inggrisnya, karena untuk objek penelitianku nggak mungkin pakai yang edisi bahasa Indonesia. Kucari-cari ke toko buku manapun nggak ada, memang jarang yang menjual novel berbahasa Inggris, lalu kucoba mencari ke toko buku online. Hasilnya kalau nggak ada ya pasti stok habis. Haduh, mulai ketar-ketir. Padahal kupikir kalau novel baru masih mudah mencarinya.
Lalu iseng-iseng aku mention admin twitter The Casual Vacancy Indonesia, di mana mencari edisi bahasa Inggrisnya, akhirnya ketemu deh di bukabuku.com. Harganya terjangkau walau jatuhnya mahal juga karena kena ongkir. Hehe. Sementara menunggu edisi bahasa Inggris datang, aku membeli edisi bahasa Indonesia-nya dulu. benar-benar perjuangan, soalnya uangku tinggal sisa Rp. 5000,00. Ciyus loh. Penderitaan anak kost dimulai, demi mendapatkan kitab keramat itu.
            Ternyata nggak cukup di situ, bukuku yang masih baru fresh from the oven, halah maksudnya masih baru dari toko buku, setelah kubuka segelnya, langsung ditumpahin the sama adik kostku. Huaaa.. jadi aku langsung gak bisa baca deh, harus mengangin-anginkan kitab keramatku yang sudaah ternoda itu. Hah, andai siang hari pasti sudah kujemur biar cepat kering. Ternyata butuh tumbal juga kitab keramat itu.
            Setelah layak untuk dibaca-walaupun noda teh tetap membekas menambah eksotis buku itu-aku mulai memijit-mijit kepalaku. Bingung cuint, ini tokohnya kok banyak banget maksudnya gimana coba. Akhirnya aku ulang baca dari awal, baru sedikit ngeh deh. Untung aku sudah membuang jauh-jauh Harry Potter dan Hogwarts dalam kamus J.K. Rowling, jadi aku nggak terjebak di dunia fantasi. Tapi jauh dari Hogwarts bukan berarti novel ini tak ada sihir-nya. Sihir baru a-la Pagford kutemukan setelah habis membaca novel ini selama dua hari.

            Sumpeh deh, ini novel pertama yang kubaca yang punya banyak tokoh tapi semuanya mengambil porsi penting. Jadi bingung, sebenarnya tokoh utamanya siapa ya? haha dasar pembaca lemot. Beneran deh, ini yang kumaksud sihir di sini, penokohannya pun nggak klise, karakternya kuat-kuat. Aku belum pernah menemukan novel dengan penokohan seperti ini. Makanya pas aku ngajuin judul ke pembimbingku-yang belum di-acc sampai sekarang-aku disuruh buat sinopsisnya kembali. Sebenarnya konflik utama-nya apa. Aku pun bingung, ya habis banyak konflik penting di situ. Sekarang aku lagi berjuang buat sinopsis yang cetar. Ternyata membuat sinopsis itu nggak gampang (dari dulu aku kesusahan memang) dan sinopsis ini menentukan apakah judulku di-acc atau nggak. Semoga pembimbingku nggak berubah pikiran untuk mengganti objek-ku. Aku sudah pengen banget meneliti novel ini. Novel baru, yang mungkin belum ada yang meneliti. Mohon doa-nya ya TCV lover semuanya. Kalau ACC, nanti ada deh persembahan buat kalian di skripsiku. Hehe.
            Oh ya, kalian pasti sudah membaca penggalan sinopsis berikut kan?
Dari luar, Pagford terlihat seperti kota kecil yang damai khas Inggris, dengan alun-alun, jalanan berbatu, dan biara kuno. Tetapi, di balik wajah nan indah itu, tersembunyi perang yang berkecamuk.
Si kaya melawan si miskin, remaja melawan orang tua, istri melawan suami, guru melawan murid… Pagford tak seindah yang terlihat dari luar.
Penggalan sinopsis yang tertulis di atas mengingatkanku kepada kota tetangga di sebelah kotaku, Jogjakarta. Jogja, sebuah kota yang terlihat damai, eksotis dan mengagumkan, tapi sebenarnya di dalamnya banyak perang berkecamuk. Perebutan kekuasaan, kehidupan jalanan yang keras, pelajar dan mahasiswa yang melakukan tindakan asusila. Fenomena ini tertutupi dengan image Jogja sebagai kota berbudi luhur.
            The Casual Vacancy sebenarnya mengangkat konflik yang simple dan sesuai realitas. Social Disorder yang diangkat J.K. Rowling memang sesuatu yang banyak terjadi di sekeliling kehidupan kita. Kematian Barry Fairbrother yang tiba-tiba itu membawa efek domino bagi kehidupan di Pagford yang kelihatannya ayem tentrem. Semua orang ingin berebut kursi dewan hingga tak memedulikan anak-anaknya, muridnya, suami atau istri-nya, akal sehatnya. Konflik internal berubah menjadi konflik eksternal yang hebat, di mana ideologi dan keserakahan dipertaruhkan di sini.
            Kekuatan deskripsi tokoh dan suasana juga benar-benar terasa di novel ini. Beneran deh, sewaktu menggambarkan kondisi rumah Terri Weedon yang kotor dan tak terurus itu, aku langsung mutah karena nggak tahan. Juga sewaktu Simon melakukan kekerasan terhadap keluarganya, aku jadi ikutan sakit. Apalagi Krystal Weedon yang berbuat asusila dengan Fats Wall sukses membuatku jijik, seperti melihat langsung. Sukhvinder Jawanda yang suka menyilet tangannya itu membuatku trauma dengan silet, dan masih banyak lagi. J.K. Rowling telah menyihirku sedemikian rupa.
            Tak dipungkiri, baying-bayang Harry Potter masih melekat di sebagian orang, sehingga banyak yang membeli novel ini karena masih terpengaruh dengan ekspetasi Harry Potter. Walaupun sebagian orang menganggap novel ini berkonflik simple dan Rowling belum bisa dikatakan penulis hebat karena baying-bayang Harry Potter-nya itu, tapi setidaknya dalam The Casual Vacancy, J.K. Rowling telah membuktikan bahwa dia benar-benar penulis, dia benar-benar bisa keluar dari image Harry Potter.
            So, dari lima bintang, kira-kira berapa yang layak untuk diberikan untuk karya terbaru J.K. Rowling ini?
            Kalian sendiri yang harus menentukan TCV Lovers.
***

Jumat, 21 Desember 2012. 11.11 a.m. Di tengah kabar gonjang-ganjing kiamat

Impian Nopitasari, yang lagi galau karena judul skripsinya belum di-acc.

0 komentar:

Langganan: Postingan (Atom)