Isih Ana Jenengmu ing Atiku, Kapacak ing Majalah Panjebar Semangat edisi 12. 23 Maret 2013

09.17 Impian Nopitasari 2 Comments


“Wis to Bal, ora sah kok gelani maneh, sing wis ya wis. Kowe kuwi hlo, kaya ra ana cah wedok liyane,” ujare Mbak Novi, ngeyem-ngeyem aku.
“Tapi aku wis kebacut tresna Mbak. Mung Airin sing isa nggawe atiku kepincut,”
“Iqbal, Iqbal. Delengen raimu jal,” mbak Novi ngomong sambi ngelungke ngilon ning ngarep raiku, “kowe kuwi nggantheng, ra beda karo Afghan. Nek golek cah wedok sing luwih saka Airin kae akeh, menang milih,” sajake Mbak Novi semu gregeten karo aku.
“Ora masalah aku iki nggantheng apa ora Mbak, tapi iki masalah ati mbak, ati…,” ujarku karo nduding dhadha, negesake.
“Alah ya wis Bal, sakarepmu. Sing jelas bab iki aja ndadekake awakmu nglokro kaya ngono. Pesenku mung adohi silet, baygon, aja menek kenteng ya,”
“Ora lah mbak, ra nganti kaya ngono lah. Cukup sekali aku merasa kegagalan cinta,”
“Kaya lagu dangdut wae, ya wis, aku tak mulih sek ya, jaga awakmu,” Mbak Novi pamit karo aku, tak wangsuli manthuk wae.
Baline Mbak Novi ora ateges aku mari anggonku ngungun. Isih tetep krasa lara atiku iki. Banget nget nget. Rasane aku kaya muter slide film sing lagi mentas tak tonton. Isih cetha wela-wela blegere Airin karo bojone lungguh ing dhampar kencana. Sajak sumringah, suka parisuka. Dulang-dulangan, poto-poto mesra. Ora ngerti aku sing nyawang dheweke kanthi rasa sungkawa. Atiku kaya dipalu, remuk. Ajur mumur.
Nanging isih tak kuwat-kuwatke lungguh ing kursi tamu. Gelem ora gelem aku kudu ngenteni nganti rampung adhicara resepsi iki. Aku pekewuh karo kanca-kanca yen nganti mulih dhisik, ketok banget yen aku ora ngajeni. Aku yo melu poto-poto karo manten, salaman karo manten lanange barang. Wis kaya Anang-Raul ngonokae. Malah sempet dipoto Mbak Novi, diupload ning group organisasi. Nyat stress kakak tingkatku siji kae.
Tapi raketang tresnaku pedhot dalan aku isih bersyukur nate ngrasaake sesambungan karo Airin sing suwene mung sakedhepan mata iku. Reketang mbiyen aku mung dadi pelarian tok. Airin kuwi kakak tingkatku, sak semester luwih dhuwur saka aku, nanging awake cilik, imut, lucu, isih seneng aleman. Isih seneng-senenge yang-yangan tap iwis dijodhoke karo wong sing luwih tua 10 tahun saka dhekne. Ya mesthine ora langsung gelem. Pengen ngerti crita jangkepe? Ya kene rungokke aku.
***
Aku kenal Airin pas daptar dadi anggota organisasi perkursusan ing kampusku. Ya mikirku mbiyen iseng-iseng sambi golek pengalaman. Ndilalah kok aku lolos seleksi test, ya wis sidane aku otomatis isa melu training, minangka sarat mutlak dadi anggota. Wektu kuwi Airin entuk amanah dadi seksi Pubdekdok, sing salah siji kewajibane kudu motret-motret event-event apa wae sing kaleksanan. Pasangane Airin wektu kuwi Mbak Novi. Yen Mbak Novi iku bener-bener ngayahi jejibahane minangka tukang potret, Airin malah asring motreti aku tinimbang liyane. Saka kuwi padha ngerti yen Airin ngesir aku.
Saya suwe sesambunganku karo Airin saya raket. Malah kena diarani pacaran. Sms-an, Fb-an, chattingan asring karo dhekne. Airin kuwi bocah sing kelewat manut karo wong tua, ora pernah metu omah bengi-bengi, dolan diwatesi. Pas dheweke ngancik semester 6, ana mata kuliah drama sing nggawe para mahasiswa bahasa Inggris asring latian nganti bengi. Iku dienggo kesempatan Airin metu bengi. Mesti wae diolehi wong tuane. Sebab iku urusan pelajaran, ya raketang asline ora pati lila.
Mumpung dheweke oleh metu mbengi, aku ora nyia-nyiake kesempatan iki. Tak enteni nganti dhekne bubar latian drama. Bar kuwi kan isa mlaku-mlaku, tuku susu, utawa maem sek sedela. Senajan runtang-runtungku iki dadi rerasan kanca-kanca lan senior.
“Kowe ki hlo Bal, wis ngerti yen Airin iki arep nikah, wis nduwe calon, kok ya awakmu nekat sesambungan karo dheweke,” kaya biasane, Mbak Novi mesti wong sing paling cerewet karo perkaraku iki.
“Sing marai Airin sek ya Mbak, dudu aku. Wong dhekne sing seneng aku sek, aku ya apa bisa nolak, Airin kuwi ya ayu kok,” aku puguh karo panemuku, ora rumangsa salah.
“Iya, kowe seneng pacaran karo Airin. Tapi aku karo Yanti, Prastika, utawa kanca cedhake Airin liyane, mesti pekewuh yen ditakoi kanca liyane. Ora rumangsa ya yen aku iki nutupi petingkahmu karo Airin kuwi. Kerana apa? Ya njaga jeneng apike kowe sakloron karo jeneng organisasi. Mbok kira aku ki meneng wae?,”
Aku mumet, ora nyangka yen kedadeane nganti kaya ngene. Ora mokal yen Mbak Novi dadi hebring kaya ngono. Aku kan ya mlebu mahasiswa sing lumayan terkenal. Gawat uga yen konangan pacaran karo Airin. Salah sijining dosenku kan tanggane Airin, lan mesti wis ngerti yen Airin iku arep nikah. Kok aku ora mikir nganti semono.
“Tak kandhani ya, bengi kae pas kowe metu karo Airin, calon bojone methuk rene. Aku karo Yanti sing ngalang-ngalangi supaya kowe ora konangan. Coba yen nganti konangan? Apa ya ra mesakke Airin? Mesti langsung dipilara wong tuane,” mbak Novi nesu getem-getem, aku mung bisa meneng wae.
“Saiki aku wis gak mau tau, sesambunganmu kuwi kudu dipedhot. Airin wis duwekke wong liya, senajan asline dhekne ora seneng, kowe wong lanang sing durung bisa janjeni apa-apa kudu trima, lilake Airin ya Le,”
Donyaku rasane peteng ndhedhet. Nglilake Airin? Aku durung siap. Tapi omongane Mbak Novi ya bener, aku durung bisa janjeni apa-apa, beda karo calone Airin sing wis mapan. Aku jelas ora sepadan. Dhuwit wae isih asring njaluk wong tua. Aku mung menang rupa. Rupaku durung bisa nguripi Airin.
Ora let suwe, aku resmi pedhot karo Airin.
***
Resepsine Airin mbarengi organisasiku nganaake Musyawarah Akhir Tahun, aku kadhapuk dadi pimpinan sidang formatur. Untung wae pas istirahat kanca-kanca sepakat teka ning resepsine Airin. Dadi aku isa mrana bareng-bareng, ora ijenan. Ning kana aku dadi bahan ece-ecenan’e kanca-kanca. Bubar saka resepsi, mbalik anggone sidang, aku tetep wae isih diece. Ya wis sekalian wae, nalika break sidang, aku karaokenan, lagu-lagu galau ngonokae. Dadi ger-ger-ane kanca-kanca. Apamaneh pas aku nyanyi lagune Adele, Someone Like You, sing dinyanyike Boyce Avenue.
I heard that you shuttle down
That you found you a boy
And you married now
…………………………………
Never mind I’ll find someone like you
I wish nothing but the best for you.
Aku mung bisa pairing donga marang kowe Rin, muga-muga dadi keluarga sing sakinah, mawaddah, warahmah. Senajan  ning njero atiku isih keselip jenengmu. Isih tekan saiki.
***

2 komentar:

THE POWER OF A DREAM

09.57 Impian Nopitasari 0 Comments



Mimpi adalah kunci untuk kita menaklukkan dunia
Berlarilah..tanpa lelah..hingga engkau meraihnya..
Kita tentu sudah tak asing dengan petikan lirik lagu di atas. Ya, soundtrack Laskar Pelangi yang dipopulerkan oleh Nidji memang memberi nuansa tersendiri tidak hanya bagi pecinta musik, tapi bagi orang pada umumnya. Lirik lagu yang dilantunkan mempunyai efek tersendiri bagi pendengarnya.
Tidak berlebihan apabila mimpi dianggap sebagai kunci untuk menaklukkan dunia karena semua berawal dari mimpi. Jika mimpi saja kita tidak berani, bagaimana kita bisa menaklukkan dunia? Ketika kita merasa sudah tak punya apa-apa di dunia ini, ingat, kita masih punya mimpi, entah bagaimana wujud mimpi itu, yang penting kita harus punya!
Sudah sering kita mendengar kisah-kisah tentang kekuatan impian. Bahkan telah banyak hadir novel yang menggambarkan tentang perjuangan menggapai mimpi. Laskar Pelangi, dengan kesederhanaan tokoh-tokohnya, bersekolah di sekolah yang tak layak, kehidupan mereka jauh dari enak. Tapi mereka selalu percaya dengan mimpi, bolehlah mereka miskin, tapi jangan sampai mereka kehilangan asa, kehilangan mimpi. Ternyata perjuangan mereka pun tak sia-sia. Ikal dan Arai, tokoh dalam novel tersebut berhasil masuk Universitas Sorbonne, Prancis dan bertualang menaklukkan Eropa.
Begitu pula dengan kisah Negeri 5 Menara. Persahabatan enam santri beda pulau, beda bahasa, beda budaya tak menyurutkan mereka untuk bermimpi. Dengan mantra Man Jadda wa Jada mereka ukir mimpi-mimpi tersebut di bawah menara. Memandangi awan-awan seolah-olah itu adalah pulau impian mereka, negara yang ingin dikunjungi. Siapa sangka suatu hari mereka berhasil menggapai mimpi dan memenuhi janji untuk foto di bawah menara impian masing-masing.
Sekali lagi, jangan remehkan mimpi.
Ahlamu yaum haqiqotan ghodda. Sebuah pepatah arab yang mungkin belum familiar di lingkungan masyarakat kita. Tapi arti dari pepatah tersebut sungguh luar biasa, mimpi hari ini adalah kenyataan esok hari. Jadi apakah kita masih belum percaya dengan mimpi? Mulai sekarang bermimpilah. Karena esok hari tergantung dari mimpi kita hari ini.
Berusaha Untuk Menggapai Mimpi
Tidak ada yang mudah, tetapi tidak ada yang tidak mungkin. Kata-kata Napoleon Bonaparte, penguasa Prancis yang legendaris. Saya masih memegang motto itu, tak terkecuali dalam hal meraih mimpi. Mimpi tidak hanya sekedar mimpi, tentu harus ada usaha yang menyertainya. Percuma kita bermimpi setinggi langit tapi tak ada usaha untuk mewujudkan mimpi itu. Dreaming without action is nothing.
Bermimpi juga butuh konsekuensi. Tak mungkin kita hanya berani bermimpi, saya ingin kaya, saya ingin berkeliling dunia, saya ingin ini, ingin itu, tapi tak ada usaha untuk mewujudkan mimpi tersebut. Hal itu bisa dikatakan sebagai kriminalitas untuk diri kita. Berbohong pada diri sendiri juga merupakaan kejahatan pribadi.
Mulailah dengan hal-hal yang sederhana dan kecil. Tulis mimpi kita, dengan itu kita akan merasa terus termotivasi. Danang Ambar Prabowo, Mawapres ITB 2010 yang lebih dikenal dengaan Sang Pembuat Jejak juga melakukan hal tersebut. Dia menulis target-target dalam hidupnya dan mencoretnya ketika target tersebut telah tercapai. Tentu dengan usaha yang tidak mudah untuk mencapai 100 target yang ia tulis, termasuk mimpinya untuk pergi ke negeri sakura. Ia pun tak percaya ketika mencoret targetnya yang ingin pergi ke Jepang. Mencoret target berarti dia telah meraih target tersebut. Man jadda wa jada, siapa yang bersungguh-sungguh, pasti akan berhasil. Nothing’s impossible.
Bermimpi memang menuntut pengorbanan, konsekuensi dari sebuah pilihan. Contoh terdekat dalam lingkungan saya adalah perjuangan anak seorang pemulung di Jogja untuk menjadi dokter. Siapa pun berhak meremehkan cita-cita tersebut, termasuk saya. Jujur, saya pun tidak berani bermimpi untuk menjadi dokter, realistis saja, kuliah di fakultas kedokteran butuh biaya yang tidak sedikit, apalagi penghasilan seorang pemulung yang tak seberapa. Orang tua saya yang pensiunan PNS tidak memiliki penghasilan yang memadai untuk membiayai saya kuliah di fakultas kedokteran. Dan saya pun berhenti bermimpi, tapi tidak untuk anak pemulung tersebut. Baginya, hanya mimpi yang dia punya, jadi apa saja akan dilakukan untuk mencapai mimpi tersebut.
Agus, si anak pemulung yang punya mimpi besar tesebut benar-benar membuktikan omongannya. Memang dia dikaruniai otak yang cerdas, walau hidupnya hampir dihabiskan untuk membantu orang tuanya memulung sampah, tapi dia tetap bisa mengejar materi di sekolah. Akhirnya, dia diterima di Fakultas Kedokteran UGM melalui jalur PMDK. Orang tuanya mendukung, dengan usaha apapun mereka membiayai kuliah anaknya. Agus tidak minder, walau dia satu-satunya mahasiswa FK yang berangkat-pulang naik ontel tua, tetap mulung setelah kuliah, belajar bermodal buku pinjaman, toh akhirnya dia lulus dengan predikat cumlaude. Seorang anak pemulung buta huruf berhasil menjadi dokter. Hal yang dulu sangat saya ragukan.
Belajar dari kisah hidup tersebut, saya pun tak mau kalah. Mimpi saya dari dulu adalah menjadi penulis, minimal pernah menjuarai lomba. Walau berkali-kali saya kalah dalam kompetisi, saya tidak mengenal kata menyerah. Cerpen saya berjudul Tarawih Siang berhasil menjadi juara 1 lomba cerpen Solopos. Padahal saya tak ada target untuk memenangkan lomba ini. Satu kalimat yang saya ingat dari penulis produktif Mas Yudhi Herwibowo, “optimis perlu, tapi jangan berekspetasi berlebihan”. Terkadang sesuatu yang tak kita harapkan memberi kejutan pada kita.
Alloh berfirman “. Sesungguhnya Allah tidak mengubah keadaan sesuatu kaum sehingga mereka mengubah keadaan yang ada pada diri mereka sendiri. (QS. Ar Ra’d:11).
Jadi, masihkah takut untuk bermimpi?




0 komentar:

Jodho Kanggo Bapak. Kapacak ing Majalah Jayabaya Edisi 28. 3 Maret 2013

09.12 Impian Nopitasari 0 Comments


Wancine wis wengi. Wis jam rolas kurang sepuluh menit. Sedhela engkas memedi padha njedhul yak’e. Nanging  aku isih betah ning kene, nggarap tugas kuliahku ning cedhak jendhela. Aku paling seneng lungguh kene, jendhelane dibuka, angine semilir, isa mandeng sesawangan ning njaba. Ning kene ora akeh nyamuk, dadi santé wae.
Emane, ana siji sing ilang saka kene. Mbiyen jaman cilikku, aku mesti isa nyawang rembulan saka jendhela kamarku iki. Nanging saiki sesawangan kuwi wis malih dadi gedhung tingkat, nutupi rembulan ing suwalike. Tekan saiki, aku isih durung paham, kena apa kok sing nduwe proyek kuwi mbangun gedhung dhuwure kaya ngono. Ora ngerti yen aku sejatine ora lila.
            “Durung turu to Nduk, wis wengi, gek jendhelane ndang ditutup, marakke masuk angin hlo,” dhawuhe Bapak ngageti aku.
            “Oh.. Nggih. Hla Bapak piyambak kok dereng sare?,” aku genten takon.
            “Durung isa turu, ujug-ujug kelingan Ibumu,”
            Aku isa ndeleng pasuryane Bapak sing nandang sungkawa. Wis suwe kedadean kelangan Ibuk, nanging tatu ing atine bapak durung bisa ilang nganti saiki.
            “Mpun to Pak, ampun diemut-emut malih. Ibuk sampun sumare ing alam kelanggengan. Luwih becik kita kirim donga mawon, supados Ibuk mboten sedhih,” tak eyem-eyem atine Bapak.
            “Iya, bener kandhamu, aku sing kebangeten anggonku tresna marang ibumu,”
            “Nggih mpun, sakniki Bapak istirahat mawon. Kula tak nggih tilem, enjing-enjing wonten kuliah pagi,”
            Bapak wis arep sare ing kamare. Jendhela tak tutup, lampu tak pateni. Muga-muga sesuk ora telat tangi.
***
            Perpustakaan kampus dina iki ora patiya rame. Kebeneran aku isa nggarap tugas kanthi tenang, ora kemrungsung merga akeh wong. Dumadakan ana wong sing ngageti aku.
            “Heh, Candra, serius men,” ujare samba nepuk pundhakku. Iku sing nggawe awakku adhem panas.
            “Eh Mas Bayu. Mbok aja ngageti ngono hlo, mengko yen aku nganti njerit isa digemplang karo wong-wong ning perpus iki,” wangsulanku semu mrengut.
            “Wis lah, rasah mrengut ngono, mengko ayune ilang,”
            “Halah, gombal mukiyo. Prett..,”
            “Haha Mukiyo ancen jeneng rewangku ning omah, tukang pel, hihi,”
            Aku ora mangsuli, mripatku isih fokus marang tugas-tugas kuliah sing marai nggliyeng. Alesan nomer loro, aku ora wani nyawang raine mas Bayu, isa salah tingkah dhewe aku.
            “Eh iya Can, aku oleh titipan saka Ibu, kanggo Bapakmu,”
            Bathukku mengkeret “Titipan? Titipan apa Mas?,”
            “Ora ngerti, aku mung diwenehi amplop iki, tulung ya aturke Bapakmu,” Ujare Mas Bayu, tangane ngelungke amplop.
            “Hmm…iya mas, suwun ya. Mengko tak aturke Bapak,”
            “Ya wis, aku tak mlebu kelas dhisik ya. Suk yen sempet ketemu maneh, aku kesusu soale,”
            Aku manthuk. Mas Bayu lunga. Aku isih mandeng amplop kuwi. Penasaran.
***
            Sak ndalan-ndalan pinuju omah atiku isih kebak pitakonan. Ibuke Mas Bayu nitip amplop kanggo bapak? Gek isine apa? Bu Risma iku kan rencange Bapak, padha-padaha guru ing sekolahan sing padha. Lha kena apa kok ndadak dititipke mas Bayu? Kok ora diaturke dhewe? Arep tak buka ndhisik kok ya ora sopan banget. Ya wis lah, becike age-age tak aturke Bapak.
            Tekan omah, kahanane suwung. Bapak durung kondur. Tasku tak selehke kamar, ngaso sedhela, bubar iku masak kanggo dhahar Bapak mengko. Ya ngeneki yen ora nduwe ibu, aku kudu nggenteni paragane. Idhep-idhep mbales budhi karo bapak sing wis nggedhekke aku nganti dadi kaya ngene.
            “Assalamualaikum,” keprungu swarane Bapak uluk salam.
            “Waalaikumussalam,” wangsulanku saka pawon.
            “Kok nembe kondur pak?,”
            “Iya Nduk, ana rapat mau ning sekolahan. Wah wetengku kok luwe ya, mambu masakanmu iki, sik tak ngaso sedhela, yen wis mateng omongi ya Nduk”
            “Nggih Pak,”
            Aku nutukke anggonku masak, mung jangan lodheh lawuh gereh ora lali sambel. Dadi ya cepet. Aku wis ora sabar pengen ngaturke amplop saka Bu Risma marang Bapak.
            Ora let suwe masakanku mateng, bapak ya wis rampung anggone ngaso. Dak ladeni, dak kancani dhahar. Bapak crita ngalor ngidul bab sekolahan, aku ya crita kuliahku dina iki, nganti ora kerasa Bapak wis rampung olehe dhahar. Tak resiki lan tak isahi piringe. Bubar iki aku matur karo bapak.
            “Bapak, dhek wau wonten titipan amplop saking Bu Risma,”
            “Bu Risma? Risma sapa? Risma kancane bapak kae?,” pitakone bapak semu gumun.
            “Nggih Pak, Bu Risma rencang guru punika,”
            “Kok isa dititipke kowe? Nalare?,”
            “Dhek wau Mas Bayu ingkang maringi, ngendikane niku titipan saking Bu Risma. Punika amplopipun pak,” amplop tak paringke bapak. Aku lungguh ning jejere.
            Bapak katon serius anggone maca. Sakjane aku ya pengin melu maca. Tapi ya gak sopan banget yen melu-melu. Dadi aku ngenteni dhawuhe bapak sakbanjure.
            “Pripun Pak?,” tak wanek-wanekke tekon.
            “Hhh.. aku durung isa ngomong Nduk, mengko ya yen Bapak wis siap,” ngendikane Bapak karo aku. Bubar kuwi Bapak pamit ning njero kamar lan ora metu maneh nganti esuk.
            Bab iki marakke aku sansaya gumun. Jan-jane ana apa.
***
            Wis telung dina saka kedadean ning meja dhahar iku. Nanging aku durung oleh wangsulan sing jelas saka rasa penasaranku iki. Aku ora wani ngrembug perkara iku. Tak enteni nganti bapak kersa crita dhewe marang aku. Mestine iku bab sing wigati banget nganti ndadekake pasuryane bapak beda.
            Aku ya durung ketemu Mas bayu maneh. Aku pengen takon marang dheweke. Sapa ngerti weruh. Dina-dina iki aku disibukke karo tugas kuliah, dadi ora kober nggoleki Mas Bayu sing pancen beda fakultas.
            “Chandra..,”
            Hlo ta, lagi wae tak rasani, kok wis njedhul.
            “Eh Mas Bayu.. saka endi Mas?,”
            “Bubar konsul skripsi. Oh ya, longgar gak? Ayo tak traktir maem Soto Kering,” ajake Mas Bayu, mingini.
            Aku kaya kebo dikeluh, manut wae. Biasane ora hlo, aku mesti nolak yen diajak maem cah lanang. Mungkin sing iki rada spesial. Hehe.
            Mas Bayu pesen Soto kering karo es teh loro. Aku pancen seneng menu Soto kering ning kantine Bu Siti iki. Enak lan unik. Samba maem Soto, aku diajak ngobrol Mas Bayu. Pisanane ora obrolan sing abot, nganti tekan ukara iki.
            “Sak jane, aku iki seneng kowe Can, upama ora ana alangan aku mesti wis wani nembung  kowe,”
            Aku mingkem, cep klakep. Ora mudheng apa sing diomongke Mas Bayu. Saksuwene iki aku pancen mendhem rasa tresna marang dheweke, tapi ora ngira yen Mas Bayu ya seneng aku.
            “Karepmu iki piye to Mas? Tresna aku? Alangan? Aku isih durung ngerti,”
            “Kowe kelingan kan, amplop sing tak wenehke awakmu wingi?,”
            Aku manthuk. Mas Bayu mbacutke anggone crita. Saben ukara tak rungokke, tak ematke, tak pesthekke yen aku ora salah krungu. Nganti ukara sing pungkasan, aku wis mbrebes mili. Ora nyana yen kedadeane bakal kaya ngene. Aku mulih ngarepake udan, sengaja aku mulih dhewe ora payungan, ben luhku sing mbrebes iki kesamar dening banyu udan.
***
            Ceritane ngene, dadi sakdurunge mbobot aku, ibu divonis nduwe penyakit lemah kandungan dening dokter. Yen Ibu mbobot, resikone dhuwur banget. Nanging Ibu ngotot pengen mbobot aku. Jaman semana pancen ibu lan bapak kepetung suwe anggone nduwe anak, sepuluh tahun ningkahan, lagi diparingi aku. Dadi senajan oleh vonis penyakit apa wae, ibu tetep pengen mbobot lan nglairake aku.
            Apa mungkin wis krasa yen uripe Ibu ora suwe maneh. Wektu umur wolung wulan ning njero kandhungan, ibu nulis wasiat kanggo Bu Risma, kakak tingkat kuliahe mbiyen. Bu Risma sing kala iku nyandhang status randha anak siji amarga garwane tinggal donya nalika ngayahi tugas minangka TNI, dipeseni ibu, supaya mengko yen panjenengane ora ana, gelem nggenteni posisine. Pancen wis garising pepesthen, ibu tinggal donya nalika nglairake aku. Bapak nandang dhuhkita kang jero banget. Senajan dipeseni ibu supaya omah-omah maneh, tapi Bapak luwih milih urip ijen nggedhekke aku tanpa bojo. Semana uga Bu Risma, panjenengane iku jan-jane ora pengen omah-omah maneh. Marga iku, nganti aku gedhe, Bapak lan Bu Risma durung njangkepi pesene ibu.
            Amplop kuwi surate Bu Risma kanggo Bapak, amarga ora wani maringke dhewe, akhire dititipke Mas Bayu. Isine nakonke bab wasiate Ibu. Ana sing meh ngepek Bu Risma, tapi Bu Risma ora kersa, dadi yen arep nolak kudu nduwe alesan sing kuat. Bu Risma pilih omah-omah karo Bapak daripada karo wong liya. Ora karana ngebet banget, tapi nggenepi wasiate ibu, jarene wasiate wong sing wis ninggal wajib dilakoni angger ora nerak sareat.
            “Saiki kepriye panemu mu Nduk? Bapak sejatine wis emoh mikir omah-omah. Wis cukup nduweni kowe. Nanging, perkara iki ora gampang. Ana perjanjen jaman mbiyen sing durung bisa tak jangkepi,”
            Aku pengen nangis, nanging tak betah-betahke. Aja nganti bapak ngerti luhku netes. Kaya ngapa tresnaku karo Mas Bayu ora bisa ngalahke tresnane bapak marang aku. Aku minangka anak kudu luwih mentingke rasa bekti marang wong tua timbang nggagas kepentinganku dhewe.
            “Nggih, kula namung bisa paring restu kagem Bapak. Yen bapak seneng, kula nggih ndherek seneng,” wangsulanku kanthi ukara sing tak normal-normalke. Tak tatag-tatagke atiku.
            Mungkin pancen kudu ngene nasibku. Aku ora jodho karo Mas Bayu minangka bebojoan, nanging aku kudu dadi sedulur kuwalon. Mungkin pancen Bu Risma jodho kanggo bapak, aku mung bisa pasrah wae. Selawase urip aku durung nate ngerasakke nduwe ibu, iki mungkin wangsulane Gusti Alloh saka dongaku, senajan calon ibuku kuwi Bu Risma, ibune Mas Bayu.
***

 

0 komentar:

Langganan: Postingan (Atom)